მოსკოვი და ვაშინგტონი შეთანხმდნენ, რომ უკრაინის კრიზისის დარეგულირების მიმართულებით ერთობლივ მუშაობას გააგრძელებენ, – განაცხადა რუსეთის საგარეო საქმეთა მინისტრმა სერგეი ლავროვმა.
„როგორც მოგეხსენებათ, ჩვენ ამერიკული მხარის წინადადებები 2 დეკემბერს აშშ-ის პრეზიდენტის სპეციალური წარმომადგენლის სტივენ უიტკოფის მოსკოვში ვიზიტის დროს განვიხილეთ. მივაღწიეთ შეთანხმებას, რომ ეს სამუშაო გაგრძელდება“, – თქვა ლავროვმა.
რუსეთის პირველმა დიპლომატმა აგრეთვე აღნიშნა, რომ ოფიციალური მოსკოვი აშშ-ის პრეზიდენტის დონალდ ტრამპის ძალისხმევას დიპლომატიური გზით უკრაინის კონფლიქტის დასრულების თაობაზე აფასებს.
„მთავარია, რომ არსებობს პრინციპული გაგება იმისა, რომ მდგრადი დარეგულირება კრიზისის პირვანდელი მიზეზების აღმოფხვრის გარეშე შეუძლებელია. პირვანდელი მიზეზები კარგად არის ცნობილი. მათ შესახებ პრეზიდენტ პუტინს არაერთხელ უსაუბრია“, – დასძინა ლავროვმა.