ვფიქრობ, ზელენსკი რეალისტი უნდა იყოს და მაინტერესებს, კიდევ რამდენი ხანი იქნება საჭირო არჩევნების ჩასატარებლად, – განაცხადა აშშ-ის პრეზიდენტმა, დონალდ ტრამპმა.
„ეს დემოკრატიაა. დიდი ხანია, არჩევნები არ ჩატარებულა. თუ გამოკითხვებს გადახედავთ, [უკრაინის] მოსახლეობის 82% მოითხოვს [სამშვიდობო] შეთანხმების დადებას. მათ სურთ, რომ შეთანხმება იხილონ. მე ეს მესმის. ისინი კარგავენ ათასობით და ათასობით ადამიანს ყოველ კვირას. მათ უნდათ, რომ ეს დასრულდეს“, – აღნიშნა აშშ-ის პრეზიდენტმა.
ტრამპის თქმით, „უკრაინაში კორუფციის უზარმაზარი პრობლემაა“.
„ეს არ არის ვინმეზე ჩრდილის მიყენება. ადამიანები კითხულობენ: როდის იქნება არჩევნები? საერთოდ იქნება თუ არა? თუ ისინი უბრალოდ ასე გაგრძელებას აპირებენ?“, – დასძინა მან.
კომენტარები