უკრაინაში განაცხადეს, რომ შავ ზღვაში მცურავ რუსეთის „ჩრდილოვანი ფლოტის“ ტანკერს დრონებით დაესხნენ თავს. როგორც უკრაინის უსაფრთხოების სამსახური იუწყება, საზღვაო დრონებმა იერიში მიიტანეს ტანკერ „დაშანზე“.
უკრაინული გამოცემა „ჰრომადსკე“ საკუთარ წყაროზე დაყრდნობით წერს, რომ კომორის კუნძულები დროშის ქვეშ მცურავი გემი, გამორთული ტნასპოდერით უკრაინის ეკონომიკურ ზონაში მოძრაობდა და რუსეთის პორტს „ნოვოროსიიკის“ მიმართულებით გადაადგილდებოდა.
უკრაინული საზღვაო დრონები ტანკერზე თავდასხმის კადრები უცხოელმა ჟურნალისტებმაც გაავრცელეს.
„შედეგად ტანკერმა კრიტიკული დაზიანება მიიღო. წინასწარი ინფორმაციით, ხომალდი მწყობრიდან გამოვიდა“, – განაცხადეს უკრაინის უსაფრთხოების სამსახურში უკრაინულ მედიასთან საუბრისას.
უკრაინაში აცხადებენ, რომ ტანკერი „დაშანი“ რუსეთი „ჩრდილოვანი ფლოტის“ შემადგენლობაში შედის, რომლის მეშვეობითაც მოსკოვი გვერდს უვლის რუსული ნავთობის წინააღმდეგ დასავლეთის მიერ დაწესებულ სანქციებს. ეს ხომალდში შეყვანილია ევროკავშირის, დიდი ბრიტანეთის, კანადის, ავსტრალიის და შვეიცარიის შავ სიაში.