უკრაინის საკითხზე აშშ-თან მოლაპარაკებებში ყველა შესაძლო გაუგებრობა აღმოფხვრილია, – ამის შესახებ რუსეთის საგარეო საქმეთა მინისტრმა, სერგეი ლავროვმა უკრიანის საკითხისადმი მიძღვნილი მრგვალი მაგიდის დროს განაცხადა.
„ახლა, უკრაინის საკითხზე ამერიკელებთან ჩვენი მოლაპარაკებების დროს, პირადად მე მჯერა, რომ გაუგებრობები აღმოფხვრილია“, – აღნიშნა ლავროვმა.
მან ასევე განაცხადა, რომ რუსეთმა და აშშ-მა ალასკის სამიტის დროს მიაღწიეს ურთიერთგაგებას კიევის ნეიტრალურ სტატუსთან დაკავშირებით.
„იქ (ანკორიჯში) მიღწეულ იქნა ურთიერთგაგება, რომელიც ჩვენთვის ინარჩუნებს აქტუალობას და შესაძლოა, იყოს ამოსავალი წერტილი დარეგულირების პროცესში. ცოტა ხნის წინ, როდესაც ჩვენთან აქ იყო პრეზიდენტ ტრამპის სპეციალური წარმომადგენელი სტივენ უიტკოფი, პრეზიდნეტ პუტინთან მისი შეხვედრის შემდეგ ორივე მხარემ, რუსულმაც და ამერიკულმაც, დაადასტურა ალასკაში მიღწეული ურთიერთგაგება… ამ ურთიერთგაგების არსი მდგომარეობს იმაში, რომ უკრაინა უნდა დაუბრუნდეს თავისი სახელმწიფოებრიობის ბლოკგარეშე, ნეიტრალურ, არაბირთვულ საწყისებს“, – განაცხადა ლავროვმა.
რუსეთის საგარეო საქმეთა მინისტრმა ასევე აღნიშნა, რომ დონალდ ტრამპი გულწრფელად ცდილობს უკრაინის კონფლიქტის პოლიიტკურ-დიპლომატიური გზებით მოგვარებას. ამას გარდა, როგორც ლავროვი ამბობს, ევროპაში არავინ საუბრობს უკრაინის კრიზისის საწყისი მიზეზების მოგვარებაზე.
„ევროპაში არავინ ახსენებს საწყის მიზეზებს და ითხოვს მხოლოდ ერთს: დაუყოვნებლივ შეწყვიტეთ საბრძოლო მოქმედებები, მოგვეცით უკრაინას და ჩვენ, ევროპელებს, ამოსუნთქვის, დროის მოგების საშუალება, რომ ცოტათი მაინც დავუჭიროთ მხარი კიევის რეჟიმს იარაღითა და ფულით“, – თქვა ლავროვმა.
მან ასევე აღნიშნა, რომ დასავლეთის გეგმა უკრიანის გამოყენებით ანტირუსულ ბლიცკრიგთან დაკავშირებით ჩავარდა.
„ჩვენთვის სტრატეგიული მარცხის მიყენება სურდათ, შემდეგ კი დასავლური პირობების კარნახი ევროპული დედაქალაქებისთვის საინტერესო საკითხებზე. თუმცა, როგორც იცით, უკრაინის გამოყენებით ანტირუსული ბლიცკრიგის გეგმა ჩავარდა“, – თქვა მან.
რაც შეეხება უკრაინაში ევროპული სამშვიდობო მისიის განთავსების გეგმას, ლავროვმა განაცხადა, რომ თუ ევროპელი მშვიდობისმყოფელები გაემგზავრებიან უკრაინაში, ისინი რუსეთისთვის კანონიერი სამხედრო სამიზნეები გახდებიან.