კოსოვომ აშშ-დან დეპორტირებული მიგრანტების მიღება დაიწყო, მათ შორის მესამე ქვეყნების მოქალაქეების. ამის შესახებ კოსოვოს პრემიერ-მინისტრის მოვალეობის შემსრულებელმა, ალბინ კურტიმ განაცხადა.
კოსოვო დათანხმდა ტრამპის ადმინისტრაციის თხოვნას, თავდაპირველად 50 დეპორტირებული მიიღოს.
„ჩვენ ვიღებთ მათ, ვისი ყოფნაც თავის ტერიტორიაზე აშშ-ს არ სურს“ , – განაცხადა კურტიმ ადგილობრივ ტელევიზიასთან.
ალბანეთის პრემიერ-მინისტრის მოვალეობის შემსრულებელს არ დაუკონკრეტებია, რომელი ქვეყნების წარმომადგენლები არიან დეპორტირებულები.
ამასთან, მისი თქმით, ამ დროისთვის კოსოვოში უკვე ჩაიყვანეს ერთი ან ორი მიგრანტი. აღსანიშნავია, რომ კოსოვოს ასევე აქვს შეთანხმება დანიასთან, რომლის ფარგლებშიც, 210 მილიონი ევროს სანაცვლოდ, უნდა მიიღოს დანიიდან დეპორტირებული 300 უცხოელი პატიმარი 2027 წლიდან მომავალი ათწლეულის განმავლობაში.