უკრაინის წინააღმდეგ რუსეთის მხარეს მებრძოლი ჩრდილოეთ კორეელი ჯარისკაცები სამშობლოში დაბრუნდნენ. ინფორმაციას Reuters-ი ავრცელებს.
სააგენტოს ცნობით, ჯარისკაცების დახვედრის ცერემონიას ფხენიანში ჩრდილოეთ კორეის ლიდერი კიმ ჩენ ინიც დაესწრო.
მან ჯარისკაცებს 120-დღიანი საზღვარგარეთული მისიის შესრულებისთვის გმირები უწოდა და მადლობა გადაუხადა.
Reuters-ის ცნობით, რუსეთსა და ჩრდილოეთ კორეას შორის თავდაცვის სფეროში თანამშრომლობის შესახებ გაფორმებული ხელშეკრულების თანახმად, ფხენიანმა გასულ წელს 14 ათასი ჯარისკაცი გაგზავნა, რომლებიც კურსკის ოლქში იბრძოდნენ. სამხრეთკორეული, უკრაინული და დასავლური წყაროების მიხედვით, 6 ათასზე მეტი ჩრდილოკორეელი ჯარისკაცი ბრძოლის ველზე დაიღუპა.
კომენტარები