პენტაგონის ცნობით, სირიის ქალაქ პალმირაში „ისლამური სახელმწიფოს“ თავდასხმის შედეგად აშშ-ის არმიის ორი ჯარისკაცი და ერთი თარჯიმანი დაიღუპა.
პენტაგონის პრესსპიკერის, შონ პარნელის თქმით, თავდასხმისას ასევე დაშავდა სამი ჯარისკაცი.
როგორც აშშ-ის ომის მდივანმა, პიტ ჰეგსეტმა აღნიშნა, თავდამსხმელი განეიტრალებულია.
აღნიშნულს გამოეხმაურა აშშ-ის პრეზიდენტი დონალდ ტრამპი და აღნიშნა, რომ ეს არის თავდასხმა სირიასა და აშშ-ზე და შურისძიება სერიოზული იქნება.
„ჩვენ ვგლოვობთ სირიაში სამი დიდი ამერიკელი პატრიოტის, ორი ჯარისკაცისა და ერთი თარჯიმნის დაკარგვას. ასევე, ვლოცულობთ სამი დაჭრილი ჯარისკაცისთვის, რომლებიც, როგორც ახლახან დადასტურდა, კარგად არიან. ეს იყო „ისლამური სახელმწიფოს“ თავდასხმა აშშ-სა და სირიაზე, სირიის ძალიან საშიშ ნაწილში, რომელსაც ისინი სრულად არ აკონტროლებენ. სირიის პრეზიდენტი აჰმედ ალ-შარაა უკიდურესად გაბრაზებული და შეშფოთებულია ამ თავდასხმით. იქნება ძალიან სერიოზული შურისძიება“, – წერს ტრამპი.