გერმანია გათავისუფლებულ ბელარუსელ ოპოზიციონერ ლიდერებს, მარია კოლესნიკოვასა და ვიქტარ ბაბარიკას თავშესაფარს მიანიჭებს. ამის შესახებ ქვეყნის შინაგან საქმეთა მინისტრმა, ალექსანდრ დობრინდტმა განაცხადა.
მისი თქმით, ბერლინი დიდად დაინტერესებულია ბელარუსში განდევნილთა დემოკრატიული მოძრაობის გაძლიერებით, „სწორედ ამიტომ, ჩვენ მივიღებთ ორ გამოჩენილ ოპოზიციონერ პოლიტიკოსს, რომლებიც პატიმრობაში იმყოფებოდნენ“.
ორივე ოპოზიციონერი ლიდერი ხუთწლიანი პატიმრობის შემდეგ გათავისუფლდა, მას შემდეგ, რაც რეზიდენტმა ალექსანდრ ლუკაშენკომ აშშ-თან სანქციების მოხსნის სანაცვლოდ მიღწეული შეთანხმების ფარგლებში 123 პოლიტიკური პატიმარი შეიწყალა.
კომენტარები