ავტომობილში, სიდნეიში მომხდარ თავდასხმაში მონაწილე პირებს ეკუთვნოდათ, „ისლამური სახელმწიფოს“ დროშები იპოვეს.
ამის შესახებ ავსტრალიურ ტელეკომპანია ABC News-ს მაღალი თანამდებობის პირმა განუცხადა.
წყაროს ცნობით, ავტომობილში ორი დროში აღმოაჩინეს.
ABC-ის ცნობით, ერთ-ერთ თავდამსხმელს, ნავიდ აკრამს, რომელიც ავსტრალიაში დაბადებულია, სიდნეიში დაფუძნებულ „ისლამური სახელმწიფოს“ ტერორისტულ ჯგუფთან ახლო კავშირები ჰქონდა. ამასთან, ავსტრალიის კონტრტერორისტული პოლიცია მიიჩნევს, რომ ორივე შეიარაღებულმა პირმა – ნავიდმა და მისმა მამამ, საჯიდმა „ისლამური სახელმწიფოს“ ტერორისტულ დაჯგუფებას ერთგულება გამოუცხადეს.
ცნობისთვის, ავსტრალიაში, ბონდის სანაპიროზე სროლას 15 ადამიანი ემსხვერპლა. დაღუპულთა შორის არის ბავშვიც. 42 დაშავებული საავადმყოფოებში რჩება.
კომენტარები