უკრაინის პრეზიდენტმა, ვოლოდიმირ ზელენსკიმ ჟურნალისტების შეკითხვებზე პასუხის გაცემისას განაცხადა, რომ ტერიტორიების საკითხის მოგვარება მტკივნეულია.
მისი თქმით, ის არ ფიქრობს, რომ აშშ ტერიტორიებთან დაკავშირებით რაიმე მოთხოვნას აყენებდა, თუმცა უკრაინულ მხარეს რუსეთის მოთხოვნები გადასცეს.
ეს განცხადება მას შემდეგ გაკეთდა, რაც ერთ-ერთმა ოფიციალურმა პირმა თქვა, რომ ტერიტორიულ საკითხებზე კითხვები კვლავ გადაუწყვეტელი რჩება, და აშშ-ის გუნდი მას რუსებისთვის ცენტრალურ საკითხად განიხილავს.
თავის შესავალ სიტყვაში ზელენსკიმ აღნიშნა, რომ „ყველა კითხვა არ არის მარტივი“.
„არის ძალიან რთული საკითხები, განსაკუთრებით მაშინ, როდესაც საქმე ეხება ტერიტორიულ საკითხებს. ძალიან მნიშვნელოვანია, რომ ჩვენ ყველამ ვიმუშაოთ ამაზე, რომ ასეთი საკითხები სამართლიანად გადაწყდეს“, – დასძინა მან.