უნგრეთის პრემიერ-მინისტრი ვიქტორ ორბანი აცხადებს, რომ რუსეთ-უკრაინის ომის დასასრული ახლოვდება, ევროპა ისტორიული შესაძლებლობის კარიბჭესთან დგას.
როგრც უნგრეთის პრემიერ-მინისტრი სოციალურ ქსელში წერს, ევროპას ომის გაგრძელება და მისი გაფართოებაც კი სურს, უნგრეთი კი მის დასრულებას უჭერს მხარს.
„ეს კვირა ბრიუსელში გამართული ევროპული საბჭოს შეხვედრითაა განსაზღვრული. ჩვენც ვემზადებით. უნგრეთის პარლამენტის ევროკავშირის საკითხებში საკონსულტაციო ორგანო მალე შეიკრიბება. ფსონები ნათელია: ომი თუ მშვიდობა. არასდროს ვყოფილვართ ასე ახლოს რუსეთ-უკრაინის ომის დასრულებასთან. ევროპა ისტორიული შესაძლებლობის კარიბჭესთან დგას, რადგან ომი, რომლის დასრულებაც ჩვენ, ევროპელებმა, ოთხი წლის განმავლობაში ვერ შევძელით, შესაძლოა, მალე ამერიკელებმა დაასრულონ. ჩვენ მხოლოდ მათ მხარდაჭერა გვჭირდება.
სამწუხაროდ, ნიშნები საპირისპირო მიმართულებით მიუთითებს. ევროპას ომის გაგრძელება და მისი გაფართოებაც კი სურს. მას სურს მისი გაგრძელება რუსეთ-უკრაინის ფრონტის ხაზზე და გაფართოება ეკონომიკურ სიღრმეებში გაყინული რუსული აქტივების კონფისკაციით. ეს ნაბიჯი ომის ღიად გამოცხადებას უდრის, რასაც რუსული მხრიდან შურისძიება მოჰყვება. ჩვენ არ გვაქვს მიზეზი, შევცვალოთ უნგრეთის პოზიცია. ამ ომისთვის ბრძოლის ველზე გამოსავალი არ არსებობს. და თუ ფრონტის ხაზზე გამოსავალი არ იქნება, მაშინ ჩვენ უნდა გავაკეთოთ ის, რასაც პრეზიდენტი დონალდ ტრამპი აკეთებს: უნდა მოვილაპარაკოთ.
სწორედ ამიტომ არ უჭერს მხარს უნგრეთი გაყინული რუსული აქტივების კონფისკაციას, არ უგზავნის უკრაინას არც ფულს და არც იარაღს და არ მონაწილეობს ევროკავშირის არცერთ სესხში, რომელიც ომის მიზნებს ემსახურება. შეიკარით უსაფრთხოების ღვედები. ეს რთული კვირა იქნება“, – წერს ვიქტორ ორბანი.
This week will be shaped by the #EUCO in Brussels. We are preparing as well. The Hungarian Parliament’s Consultative Body on EU Affairs will meet shortly.
The stakes are clear: war or peace. Never have we been this close to ending the Russia–Ukraine war. Europe stands at the… pic.twitter.com/wFLRny0pW1
— Orbán Viktor (@PM_ViktorOrban) December 15, 2025