რუსეთის პრეზიდენტის თანაშემწის, იური უშაკოვის განცხადებით, ევროპული და უკრაინული მხარის მიერ აშშ-ის სამშვიდობო პროექტში შეტანილი ცვლილება ხელს უშლის გრძელვადიანი მშვიდობის მიღწევას.
„ეს არ არის პროგნოზი. დარწმუნებული ვარ, რომ ცვლილება, რომელიც შეიტანეს ან ცდილობენ, შეიტანონ ევროპელები უკრაინელებთან ერთად, არ აუმჯობესებს დოკუმენტსა და გრძელვადიანი მშვიდობის მიღწევის შესაძლებლობას“, – განაცხადა იური უშაკოვმა.
უშაკოვს ასევე ჰკითხეს, ჰქონდა თუ არა რაიმე სახის ინფორმაცია მაიამიში, აშშ-ის პრეზიდენტსა და რუსეთის პრეზიდენტის სპეციალურ წარმომადგენლებს შორის გამართულ შეხვედრაზე, რაც უარყო.
რუსეთის პრეზიდენტის თანაშემწემ ასევე აღნიშნა, რომ რუსეთს, აშშ-სა და უკრაინას შორის სამმხრივი შეხვედრის იდეა ჯერ არავის განუხილავს სერიოზულად. მისი თქმით, დმიტრიევი მაიამიში მხოლოდ ამერიკულ მხარესთან აწარმოებს მოლაპარაკებებს.