იტალიის პოლიციამ ქვეყნის მასშტაბით ნარკოტიკებით ვაჭრობის წინააღმდეგ ჩატარებული ოპერაციის შედეგად, 384 ადამიანი დააკავა და 1.4 ტონა ნარკოტიკი ამოიღო.
პოლიციის განცხადებაში ნათქვამია, რომ გამოძიების ფარგლებში ისინი 655 პირს აკვირდებოდნენ.
ამასთან, პოლიციამ ამოიღო 40-ზე მეტი ცეცხლსასროლი იარაღი და რამდენიმე პროვინციაში ჩატარებული ოპერაციის შედეგად, სამ ქალაქში კანაფის ხუთი მაღაზია დროებით დახურა.
იტალიის პოლიციამ განაცხადა, რომ ამოღებულია 296 კგ კანაფის პროდუქტი, რომლებიც უკანონო ნარკოტიკებად იქნა მიჩნეული. მედიის ცნობით, იტალიამ ივნისში მიიღო უსაფრთხოების დადგენილება, რომელიც ე.წ. ლეგალურ კანაფს კრძალავს.
კომენტარები