“ცენტრ პოინტის” საქმეზე მაგნოლიას ეპიზოდის განხილვა დღეს საქალაქო სასამართლოში დაცვის მხარის შუამდგომლობით დაიწყო. გურამ რჩეულიშვილის ადვოკატმა პროცესის გადადება ითხოვა, მიზეზად კი ბრალდებულის ჯანმრთელობის მდგომარეობა დაასახელა. ადვოკატმა შესაბამისი დოკუმენტიც წარადგინა.
საქმის პროკურორებმა დაცვის შუამდგომლობა გააპროტესტეს და ადვოკატები სასამართლო პროცესების გაჭიანურებაში დაადანაშაულეს. პროკურორმა ლაშა კოტრიკაძემ ბრალდებულების გარეშე პროცესის ჩატარება და მოწმეების დაკითხვა მოითხოვა. მოსამართლე მაია შოშიაშვილმა ბრალდების შუამდგომლობა არ გაიზიარა და სხდომა გადადო.
კომენტარები