საქართველოს ექსპრეზიდენტის მიხეილ სააკაშვილისა და სახელმწიფო დაცვის სპეციალური სამსახურის ყოფილი უფროსის თემურ ჯანაშიას საქმეზე მოწმეები იკითხებიან.
საუბარია დიდი ოდენობით სახელმწიფო სახსრების გაფლანგვის ეპიზოდზე. პროკურორის განცხადებით, ექსპრეზიდენტის პირადი დაცვის ყოფილი წევრები საბიუჯეტო სახსრების პირადი მიზნებისთვის ხარჯვაზე მისცემენ ჩვენებას.
ადვოკატ ბექა ბასილაიას განცხადებით, ამ დრომდე დაკითხულ მოწმეებს ბრალდებულ თემურ ჯანაშიას დანაშაულებრივ ქმედებაზე არ უსაუბრიათ. ადვოკატის თქმით, ჯანაშია ქვეყნის მთავარსარდლის წერილობით განკარგულებებს ასრულებდა.
მთავარი პროკურორის ყოფილი მოადგილე დავით საყვარელიძემ დღეს განაცხადა, რომ უკრაინის პრეზიდენტი “პეტრო პოროშენკო და ბიძინა ივანიშვილი სააკაშვილის ექსტრადირების საკითხზე მოლაპარაკებებს მართავენ.”
“ყველა არხზე საუბრობენ, რომ თუკი სააკაშვილი არ შეაჩერებს თავის პოლიტიკურ ოპოზიციურ საქმიანობას, საქართველოში მისი ექსტრადიცია მოხდება”, – განაცხადა საყვარელიძემ.