ყველამ თავის ქვეყანას მიხედოს და, სიმართლე გითხრათ, თუ კიდევ დაველაპარაკები დონალდ ტრამპს, ვეტყვი, რომ ყველამ თავის შიდა საქმეებს მიხედოს, – ამის შესახებ ვენესუელის პრეზიდენტმა, ნიკოლას მადურომ განაცხადა.
მადუროს თქმით, ტრამპს შეეძლო, უკეთესად ემოქმედა თავის ქვეყანაში ეკონომიკური და სოციალური საკითხების კუთხით.
„მას უკეთესი ურთიერთობა ექნებოდა მსოფლიოსთან, თუ თავისი ქვეყნის პრობლემებს მიხედავდა, რადგან არ შეიძლება, მისი გამოსვლების, განცხადებებისა და დროის 70 პროცენტი ვენესუელას ეთმობოდეს. და ამერიკის შეერთებული შტატები? ამერიკის შეერთებული შტატების ღარიბები, რომლებსაც სჭირდებათ საცხოვრებელი, სამუშაო ადგილები, რომლებიც უნდა შეიქმნას? ყველამ მიხედოს თავის ქვეყანას და გულწრფელად რომ ვთქვა, თუ მას კიდევ დაველაპარაკები, ვეტყვი, რომ ყველამ უნდა მიხედოს თავის შიდა საქმეებს“, – განაცხადა ნიკოლას მადურომ.
ცნობისთვის, ტრამპის ადმინისტრაცია ნიკოლას მადუროს ვენესუელის არალეგიტიმურ ლიდერად მიიჩნევს. შეერთებული შტატები ვენესეულას სანაპიროსთან სექტემბრიდან იერიშებს ახორციელებს გემებზე, რომლებსაც, აშშ-ს ცნობით, ნარკოტიკული საშუალებები გადააქვთ. ამასთან, დონალდ ტრამპმა განაცხადა, რომ ჭკვიანური იქნება, თუ ვენესუელის პრეზიდენტი გადადგება.