„პოლიტიკოს“ ცნობით, გერმანელი პოლიტიკოსი რუსეთის სასარგებლოდ ჯაშუშობაში ადანაშაულებენ.
როგორც გამოცემა წერს, გერმანიაში ულტრამემარჯვენე პოლიტიკოსმა, რინგო მიულმანმა მნიშვნელოვანი ინტერესი გამოიჩინა იმ ინფორმაციის მიმართ, რომლითაც, მისი პოლიტიკური ოპონენტების აზრით, შეიძლება, რუსული დაზვერვა იყოს დაინტერესებული.
სტატიაში ნათქვამია, რომ აღმოსავლეთ გერმანიის მხარეში, თიურინგიაში, ულტრამემარჯვენე პარტია „ალტერნატივა გერმანიისთვის” პარტიის წევრმა, რინგო მიულანმა არაერთხელ სთხოვა რეგიონულ მთავრობას „მგრძნობიარე მონაცემების” გაზიარება. კერძოდ, სექტემბერში, გერმანელმა პოლიტიკოსმა წერილით მოითხოვა ინფორმაცია 2022 წლიდან, თიურინგიის გავლით სამხედრო ტრანზიტის მოცულობის შესახებ. ასევე, მოითხოვა მონაცემები წლების მიხედვით, ასევე ტრანსპორტის საშუალებების მიხედვით: საავტომობილო, სარკინიგზო და ტრანზიტებისა და გაჩერებების რაოდენობის შესახებ.
მიულმანი უარყოფს რუსეთის სასარგებლოდ მუშაობას, თუმცა, როგორც „პოლიტიკო” წერს, ივნისში მან რვა მოთხოვნა წარადგინა დრონებისგან დაცვის შესაძლებლობებთან დაკავშირებით ინფორმაციის მისაღებად. კერძოდ, როგორც გამოცემაშია აღნიშნული, მან იკითხა, ჰქონდა თუ არა პოლიციას დრონების აღმოჩენისა და მათ წინააღმდეგ საბრძოლველად საჭირო აღჭურვილობა.
„პოლიტიკო” წერს, რომ სწორედ ამ კითხვებმა აიძულა პოლიტიკური ოპონენტები ეჭვი შეეტანათ ულტრამემარჯვენე პარტია „ალტერნატივა გერმანიისთვის” პოლიტიკოსში, რომ ის ცდილობდა კონფიდენციალური ინფორმაციის გამჟღავნებას, რომლის გამოყენებაც მოსკოვს შეეძლო უკრაინის წინააღმდეგ ომში და ევროპის წინააღმდეგ ჰიბრიდული ომის წარმოებაში.