აშშ-ის ხელისუფლებამ ოფიციალურად დაადასტურა, რომ ვენესუელაზე საჰაერო დარტყმებს ახორციელებს. ინფორმაციას Reuters-ი ამერიკის მთავრობაში წყაროზე დაყრდნობით ავრცელებს.
სხვა დეტალები ამ დრომდე უცნობია, წერს Reuters-ი.
ცნობისთვის, დილით ადრე კარაკასში რამდენიმე აფეთქების ხმა გაისმა. მომხდარში ვენესუელის მთავრობა აშშ-ს ადანაშაულებს. აღსანიშნავია, რომ აშშ რამდენიმე თვის განმავლობაში ნარკომოვაჭრეებთან ბრძოლის საბაბით კარიბის ზღვაში გემებს ანადგურებს. გარდა ამისა, წყნარი ოკეანის აღმოსავლეთ ნაწილში აშშ-მა სამხედრო-საზღვაო ძალების ყოფნა გააძლიერა.
კომენტარები