ვენესუელის გენერალურმა პროკურორმა ტარეკ უილიამ სააბმა ტელემიმართვისას განაცხადა, რომ ის ითხოვს მტკიცებულებებს იმის შესახებ, რომ ნიკოლას მადურო და მისი მეუღლე ცოცხლები არიან. ინფორმაციას The New York Times-ი ავრცელებს.
„დანაშაულებრივი ტერორისტული აქტის შედეგად სასიკვდილოდ დაიჭრნენ უდანაშაულო ადამიანები, ხოლო ზოგი მოკვდა“, – განაცხადა სააბმა.
მან ადამიანებს „მშვიდად და მტკიცედ“ გარეთ გამოსვლისკენ კიდევ ერთხელ მოუწოდა. სააბის თქმით, აშშ-მა უნდა წარმოადგინოს მტკიცებულებები, რომ მადურო და მისი მეუღლე სილია ფლორესი, აგრეთვე სხვა ჩინოვნიკები ცოცხლები არიან.
ცნობისთვის, დილით ადრე კარაკასში რამდენიმე აფეთქების ხმა გაისმა. მოგვიანებით, აშშ-ის პრეზიდენტმა დონალდ ტრამპმა ვენესუელის წინააღმდეგ ჩატარებული მასშტაბური სამხედრო ოპერაციის შესახებ განაცხადა და აღნიშნა, რომ მადურო მეუღლესთან ერთად დაკავებული და ქვეყნიდან გაყვანილია.