უბრალოდ, ვიზრუნებთ ქვეყანაზე. დავაფასებთ ამ ქვეყანას. ვიზრუნებთ, რაც ყველაზე მნიშვნელოვანია, ხალხზე, – ამის შესახებ აშშ-ის პრეზიდენტმა, დონალდ ტრამპმა ვენესუელაზე საუბრისას განაცხადა.
ტრამპის თქმით, ისინი ოპერაციის მეორე ტალღისთვისაც მზად არიან, თუმცა ის თვლის, რომ ამის საჭიროება არ იქნება.
“ვენესუელაში ქაოსია. მართვა საშინლად ხდებოდა. ნავთობის მოპოვება ძალიან დაბალ დონეზეა… ფაქტია, ეს ქვეყანა ცუდადაც რომ ემართათ, მას იმაზე მეტი შემოსავალი და ნავთობი უნდა ჰქონოდა, ვიდრე ჩვენ გვქონდა. ასე რომ, ვენესუელაში, შევიყვანთ დიდ ნავთობკომპანიებს, ისინი მოაწესრიგებენ ინფრასტრუქტურას და ჩადებენ მასში ფულს. არაფრის ინვესტირებას არ ვაპირებთ. უბრალოდ, ვიზრუნებთ ქვეყანაზე. დავაფასებთ ამ ქვეყანას. ვიზრუნებთ, რაც ყველაზე მნიშვნელოვანია, ხალხზე — მათ შორის იმ ვენესუელელებზე, რომლებიც ჩვენს ქვეყანაში ცხოვრობენ და რომლებიც იძულებულნი გახდნენ, საკუთარი ქვეყანა დაეტოვებინათ. მზად ვართ ოპერაციის მეორე ტალღისთვისაც, თუმცა არა მგონია, რომ ეს დაგვჭირდეს. ახლა ვენესუელას ჩვენ ვმართავთ, რომლის სამეზობლოშიც რთული მდგომარეობაა. მაგალითად, კოლუმბია, რომელიც ავადმყოფი, კოკაინის მოყვარული კაცის მიერ იმართება. ასეთივე მდგომარეობაში არის მექსიკა. ჩვენ ყველას მივხედავთ. ჩვენ გრენლანდიაც გვჭირდება. ახლა ის ძალიან სტრატეგიულია. გრენლანდია ყველგან რუსული და ჩინური გემებითაა დაფარული. ჩვენ გრენლანდია ეროვნული უსაფრთხოების თვალსაზრისით გვჭირდება“, – განაცხადა დონალდ ტრამპმა.