საფრანგეთმა სოლიდარობა გამოუცხადადანიას მას შემდეგ, რაც აშშ-ის პრეზიდენტმა, დონალდ ტრამპმა ხელახლა გააჟღერა მუქარა დანიის ავტონომიური ტერიტორიის, გრენლანდიის მითვისების შესახებ.
„საზღვრების ძალისმიერი მეთოდებით შეცვლა დაუშვებელია. გრენლანდია გრენლანდიელებსა და დანიელებს ეკუთვნით და მხოლოდ მათი გადასაწყვეტია, თუ როგორ მოექცევიან მას“, – განუცხადა საფრანგეთის საგარეო საქმეთა სამინისტროს პრესსპიკერმა, პასკალ კონფავრომ ტელეკომპანია TF1-ს.
კვირას, ტრამპმა კვლავ დაადასტურა საკუთარი პრეტენზია იმის შესახებ, რომ გრენლანდია ამერიკის შეერთებული შტატების ნაწილი უნდა გახდეს, მიუხედავად დანიის პრემიერ-მინისტრის მოწოდებებისა, შეწყდეს ტერიტორიის მიმართ „მუქარა“.
კომენტარები