ჩვენ ვთავაზობთ [მთავრობას], რომ გადაიხედოს საქართველოში არსებული სოფლის მეურნეობის და აგრარული პოლიტიკა, – განაცხადა გადაცემაში „იმედის კვირა“ „ერთიანი ნეიტრალური საქართველოს” ერთ-ერთმა დამფუძნებელმა ბიძინა გიორგობიანმა პროდუქტზე არსებულ მაღალ ფასებზე საუბრისას.
მისივე თქმით, დღევანდელი პოლიტიკა ევროკავშირის გაიდლაინებით არის დაწერილი.
„იმპორტზე დამოკიდებულება ზრდის ფასების მერყეობასაც, აქ არის ვალუტის კურსი, ლოგისტიკური პრობლემები. ჩვენ ვთავაზობთ [მთავრობას], რომ გადაიხედოს საქართველოში არსებული სოფლის მეურნეობის და აგრარული პოლიტიკა. ის ორიენტირებულია არა შიდა ბაზრისა და კონკურენციის გაჯანსაღებაზე, არამედ ეს არის ძირითადად ევროკავშირის გაიდლაინებით დაწერილი, მათთვის საამებლად, რომ აი, ჩვენ რა კარგი კანდიდატები ვართ, შინაარსისგან აბსოლუტურად დაცლილია. ამიტომ ეს არის ხანგრძლივ ვადიანი სამუშაო“, – განაცხადა გიორგობიანმა.