აშშ-ის პრეზიდენტის, დონალდ ტრამპის განცხადებით, ის შიდა უსაფრთხოების მდივნის, კრისტი ნოემის მუშაობით კმაყოფილია.
აღნიშნული განცხადება თეთრი სახლი ლიდერმა Fox News-თვის მიცემულ ინტერვიუში გააკეთა და მინეაპოლისში მომხდარ ბოლო ინციდენტს გამოეხმაურა.
ტრამპი აცხადებს, რომ მინესოტის შტატის მმართველობასთან სისტემატური კონტაქტი აქვს და მათთან ერთად ყველაფერს გააკეთებს, რომ დაძაბულობა შემცირდეს.
მან ასევე აღნიშნა, რომ ფედერალური აგენტის მიერ მოკლულ ალექს პრეტის იარაღი, მით უმეტეს სავსე მჭიდით, არ უნდა ჰქონოდა.
„ჩვენ შევძლებთ ვნებათაღელვის შემცირებას. მოსაწონი არ არის, რომ ალექს პრეტის თან იარაღი და ორი სავსე მჭიდი ჰქონდა. ნებისმიერ შემთხვევაში, ის, რაც მოხდა საზარელია. საზარელია რენე გუდის შემთხვევაც. შტატის გუბერნატორთან კარგი საუბარი მქონდა. მას ყველაფრის დროულად დასრულება და წესრიგის აღდგენა სურს. რაც შეეხება კრისტი ნოემს, მან ტომ ჰომანთან და უსაფრთხოების გუნდთან ერთად დიდი საქმე გააკეთა. მათ დაკეტეს საზღვარი. ეს დიდი წარმატებაა. შედეგად შტატების საზღვარი მსოფლიოში ყველაზე მეტადაა დაცული“, – თქვა ტრამპმა.