საქართველოს მთავრობის განკარგულების საფუძველზე, ინფრასტრუქტურის სამინისტროს საავტომობილო გზების დეპარტამენტმა, ქვემო ქართლში საავტომობილო გზების ცალკეული მონაკვეთების რეაბილიტაციისთვის 4 ელექტრონული ტენდერი გამოაცხადა.
ელექტრონული ტენდერები გამოცხადდა შემდეგ მონაკვეთებზე:
1. დმანისის მუნიციპალიტეტში, სოფელ საფარლოდან ქალაქ დმანისამდე არსებული ადგილობრივი მნიშვნელობის საავტომობილო გზის სარეაბილიტაციო სამუშაოები. აღნიშნული გზით სარგებლობს დმანისის მუნიციპალიტეტის 16 დასახლებული პუნქტი. ამასთან, ეს გზა ერთმანეთთან აკავშირებს საერთაშორისო მნიშვნელობის ფონიჭალა-მარნეული-გუგუთის (სომხეთის რესპუბლიკის საზღვარი) და შიდასახელმწიფოებრივი მნიშვნელობის დიდი დმანისი-დმანისი-გომარეთი-ბედიანის საავტომობილო გზებს და აღნიშნული გზა წარმოადგენს უმოკლეს გზას ქალაქ დმანისიდან საქართველო-სომხეთის საზღვრის მიმართულებით (გუგუთი). სამუშაოების სავარაუდო ღირებულება 13 471 028 ლარს შეადგენს.
2. შიდასახელმწიფოებრივი მნიშვნელობის ადიგენი-უდე-არალის საავტომობილო გზის კმ10-კმ17 მონაკვეთის სარეაბილიტაციო სამუშაოები. 7 კმ. სიგრძის სარეაბილიტაციო მონაკვეთი მჭიდროდ დასახლებულ ადგილას გადის. სამუშაოების სავარაუდო ღირებულება 11 604 829 ლარს შეადგენს.
3. შიდასახელმწიფოებრივი მნიშვნელობის სადახლო-წოფი-ახქერფის (სომხეთის რესპუბლიკის საზღვარი) საავტომობილო გზის კმ19-კმ26.2 მონაკვეთის სარეაბილიტაციო სამუშაოები. 7.2 კმ-იანი მონაკვეთის რეაბილიტაციის სავარაუდო ღირებულება 10 933 220 ლარს შეადგენს.
4. შიდასახელმწიფოებრივი მნიშვნელობის წერეთელი – ნორგიუღი – მუღანლო – ქესალოს საავტომობილო გზის კმ0-კმ4 მონაკვეთის სარეაბილიტაციო სამუშაოები. 4 კმ-იანი მონაკვეთის რეაბილიტაციის სავარაუდო ღირებულება 6 955 538 ლარს შეადგენს.
რეაბილიტაციის შემდგომ, აღნიშნულ საავტომობილო მონაკვეთებზე უზრუნველყოფილი იქნება გზით მოსარგებლეთა შეუფერხებელი და კომფორტული გადაადგილება. ასევე, დადებითად იმოქმედებს ტურისტულ პოტენციალზე.
აღნიშნული პროექტები სრულად ფინანსდება საქართველოს სახელმწიფო ბიუჯეტიდან.
შესყიდვის ბმულები:
დმანისის მუნიციპალიტეტში, სოფელ საფარლოდან ქალაქ დმანისამდე არსებული ადგილობრივი მნიშვნელობის საავტომობილო გზის სარეაბილიტაციო სამუშაოები
შიდასახელმწიფოებრივი მნიშვნელობის ადიგენი-უდე-არალის საავტომობილო გზის კმ10-კმ17 მონაკვეთის სარეაბილიტაციო სამუშაოები
შიდასახელმწიფოებრივი მნიშვნელობის სადახლო-წოფი-ახქერფის საავტომობილო გზის კმ19-კმ26,2 მონაკვეთის სარეაბილიტაციო სამუშაოები
შიდასახელმწიფოებრივი მნიშვნელობის წერეთელი – ნორგიუღი – მუღანლო – ქესალოს საავტომობილო გზის კმ0 – კმ4 მონაკვეთის სარეაბილიტაციო სამუშაოები