71 წლის ასაკში გარდაიცვალა მსახიობი კეტრინ ო’ჰარა. ინფორმაცია მისმა აგენტმა დაადასტურა.
ო’ჰარა ყველაზე მეტად ცნობილია კევინის დედის როლით პოპულარულ ფილმში „მარტო სახლში“ (Home Alone).
2010-იანი წლების შუა პერიოდში მან მილიონობით ახალი თაყვანისმცემელი შეიძინა, როდესაც ერთ-ერთი მთავარი როლი შეასრულა კომედიურ სერიალში „შიტს კრიკი“ (Schitt’s Creek).
ო’ჰარამ პროფესიული კარიერა 1970-იანი წლების შუა პერიოდში, მშობლიურ კანადაში დაიწყო და მონაწილეობას იღებდა კომედიურ ტელეშოუებში. ის მხოლოდ მსახიობი არ ყოფილა – თავადვე წერდა გადაცემების სცენარებს, რისთვისაც 1982 წელს თავისი პირველი „ემი“ დაიმსახურა.
თუმცა, მის კარიერას ყველაზე მეტად დაეხმარა საშობაო კომედია „მარტო სახლში“, რომელშიც მთავარ როლს მაკოლეი კალკინი ასრულებს.
კომენტარები