სპეციალური პენიტენციური სამსახურის ორგანიზებით, №5 (ქალთა) პენიტენციურმა დაწესებულებამ ანსამბლ „ალილოს“ უმასპინძლა. ანსამბლის წევრებმა მსჯავრდებულთათვის სხვადასხვა მუსიკალური ნომერი შეასრულეს, – ინფორმაციას სპეციალური პენიტენციური სამსახური ავრცელებს.
საღამოს დასრულების შემდეგ მსჯავრდებულებმა სტუმრებს საკუთარი ხელით დამზადებული ნივთები საჩუქრად გადასცეს.
სპეციალური პენიტენციური სამსახური გააგრძელებს მსგავსი ტიპის აქტივობების მხარდაჭერას, რაც მსჯავრდებულებს საზოგადოებაში წარმატებულ რეინტეგრაციაში დაეხმარება.
კომენტარები