ევროპარლამენტარი არ წარმოადგენს მარტო ევროპარლამენტს და ევრობიუროკრატიას, ის თავის ქვეყანასაც წარმოადგენს, შესაბამისად, საკუთარი ქვეყნის საზოგადოებასაც შეურაცხყოფას აყენებს, როდესაც, ამ შემთხვევაში, საქართველოზე ავრცელებს დეზინფორმაციას, – თქვა „ხალხის ძალის“ გენერალურმა მდივანმა გურამ მაჭარაშვილმა მიხაელ გალერის განცხადების შეფასებისას.
„ევრობიუროკრატიაში პრობლემა სწორედ ეს არის – ერთი, რომ დეზინფორმაციას ავრცელებენ და მეორე ის, რომ ამ დეზინფორმაციის, ვითომ როგორც მტკიცებულების საფუძველზე, ითხოვენ ადამიანების დასანქცირებას და ა.შ. რა თქმა უნდა, ეს არის შეურაცხმყოფელი“, – აღნიშნა მაჭარაშვილმა.
ცნობისთვის, ევროპარლამენტარმა მიხაელ გალერიმ სოციალურ ქსელში დაწერა, რომ „მოსკოვური ქმნილებები, ივანიშვილი, კობახიძე და კომპანია ერთადერთები არიან, რომლებმაც ქვეყანა უნდა დატოვონ“.