უკრაინის პრეზიდენტმა, ვოლოდიმირ ზელენსკიმ, ოთხშაბათს France 2-თან ინტერვიუში აღნიშნა, რომ ვლადიმირ პუტინს, „ტრამპის ეშინია“, თუმცა „ევროპელების არ ეშინია“.
„თუ პრეზიდენტმა ტრამპმა იცის, რომ პუტინს მისი ეშინია და არა პირიქით, მაშინ ის ვერ დათანხმდება რუსეთის პრეზიდენტის მიერ წამოყენებულ ყველა პირობას […]. პრეზიდენტმა ტრამპმა იცის, რომ მას აქვს ზეწოლის ბერკეტები ეკონომიკის, სანქციებისა და იარაღის სახით“, – განაცხადა ვოლოდიმირ ზელენსკიმ.
„ვლადიმირ პუტინს ევროპელების არ ეშინია“, – აღნიშნა ვოლოდიმირ ზელენსკიმ და კიდევ ერთხელ გაუსვა ხაზი, თუ რამდენად „მადლიერები არიან უკრაინელები ევროპელების, ისინი ჩვენი პარტნიორები არიან, მათ ჩვენ უზომოდ დაგვეხმარნენ, მაგრამ პუტინს მათი არ ეშინია. სამწუხაროდ“.
„დღეს სრულიად ნათელია, რომ თუ უკრაინა პუტინს არ შეაჩერებს, ის ევროპაში შეიჭრება“, – დასძინა მან.