ხორვატიის საელჩო საქართველოში უახლოეს მომავალში გაიხსნება, – განაცხადა საქართველოს პრეზიდენტმა მიხეილ ყაველაშვილმა ხორვატიის რესპუბლიკის პრეზიდენტთან, ზორან მილანოვიჩთან ერთად გამართულ ბრიფინგზე.
პრეზიდენტმა ზორან მილანოვიჩთან შეხვედრის დეტალებზე ისაუბრა, რომელიც ხორვატიასთან მჭიდრო ურთიერთობის განვითარებას ითვალისწინებს.
„მინდა იმედი გამოვთქვა, რომ ხორვატიის საელჩო საქართველოში უახლოეს მომავალში გაიხსნება და ჩვენი ურთიერთობა კიდევ უფრო მეტად მჭიდრო იქნება, ვეცდებით, რომ კიდევ უფრო განვავითაროთ ჩვენი ურთიერთობები“, – განაცხადა მიხეილ ყაველაშვილმა.
მან მადლობა გადაუხადა ხორვატიის პრეზიდენტს, რომ საქართველოს სუვერენიტეტსა და ტერიტორიულ მთლიანობას ხორვატია აღიარებს და მხარს უჭერს.
საქართველოს პრეზიდენტმა მიხეილ ყაველაშვილმა ხორვატიის რესპუბლიკის პრეზიდენტთან, ზორან მილანოვიჩთან პირისპირ შეხვედრა გამართა.