საქართველოს პარლამენტის თავმჯდომარე, შალვა პაპუაშვილი გერმანიის ელჩის მიერ მისი მისამართით გაკეთებულ განცხადებას ეხმიანება. პაპუაშვილი სოციალურ ქსელში წერს, რომ ეროვნული ინტერესები ყველაფერზე მაღლა უნდა იდგეს.
„სხვათა შორის, ორიოდე კვირის წინ 50 წელი შემისრულდა.
ნიშანდობლივია, რომ მის ვრცელ ინტერვიუში, ბატონი პეტერი, არც ერთხელ არ ახსენებს ჩემს თანამდებობას და მხოლოდ გვარით მომიხსენიებს. როგორც ჩანს, 2024 წლის არჩევნების შემდეგ, პარლამენტის თავმჯდომარეობასთან ერთად, არც ჩემი ასაკის მატებას აღიარებს და ეს დაკლებული 2 წელიც ამას უნდა მივაწეროთ.
ეროვნული ინტერესები პიროვნების ცხოვრებაზე და, მით უმეტეს, პირად წყენაზე მაღლა უნდა იდგეს. ის, რომ ბატონმა პეტერმა 30-წლიანი სანიმუშო პარტნიორობა 3 წელიწადში დაანგრია, ამ მარტივი ჭეშმარიტების ვერგააზრების ნიშანია.
ესეც გაივლის“, – წერს შალვა პაპუაშვილი.