ისრაელის მიერ სამხრეთ ლიბანსა და ბეირუთში განხორციელებული საჰაერო თავდასხმის შედეგად, სულ მცირე, 31 ადამიანი დაიღუპა, 140-ზე მეტი კი დაშავდა. ამის შესახებ ინფორმაციას ქვეყნის ჯანდაცვის სამინისტრო ავრცელებს.
ისრაელის სამხედროებმა მანამდე აღნიშნეს, რომ მათ დარტყმები განახორციელეს „ჰეზბოლას მაღალი რანგის ტერორისტებზე ბეირუთის რაიონში“ და „ჰეზბოლას ცენტრალურ სამეთაურო პოზიციაზე სამხრეთ ლიბანში“.
განცხადებაში ასევე აღნიშნულია, რომ „ეს „ჰეზბოლას“ მიერ ისრაელის მიმართულებით ჭურვების გაშვების საპასუხო ქმედებაა“.
„ჰეზბოლამ“ დაადასტურა, რომ ლიბანიდან ისრაელის მიმართულებით რაკეტები, ასევე უპილოტო საფრენი აპარატები გაუშვა ირანის სულიერი ლიდერის, აიათოლა ალი ხამენეის მკვლელობის საპასუხოდ.
კომენტარები