ირანის ისლამური რევოლუციის გუშაგთა კორპუსმა განცხადება გაავრცელა, რომლის თანახმადაც ირანელმა სამხედროებმა ჰორმუზის სრუტეზე სრული კონტროლი დაამყარეს. ინფორმაციას The Times of Israel-ი ავრცელებს.
მედიის ცნობით, ჰორმუზის სრუტე, რომელიც სასიცოცხლოდ მნიშვნელოვანი მარშრუტია გაზისა და ნავთობის გადაზიდვის თვალსაზრისით, სრულად იქნება ჩაკეტილი, ხოლო ნებისმიერ გემს, რომელიც იქ გასვლას შეეცდება, ცეცხლს გაუხსნიან.
„მოცემული დროისთვის ჰორმუზის სრუტე ისლამური რესპუბლიკის საზღვაო ძალების კონტროლის ქვეშაა“, – აღნიშნულია ისლამური რევოლუციის გუშაგთა კორპუსის განცხადებაში.
აღსანიშნავია, რომ აშშ-ის პრეზიდენტმა, დონალდ ტრამპმა გუშინ არ გამორიცხა, რომ ჰორმუზის სრუტეში გემებს სამხედრო ხომალდები გააყოლოს, რათა მათი უსაფრთხოება დაიცვას.
კომენტარები