ეს არის მოღალატეობრივი, ანტისახელმწიფოებრივი ნაბიჯი, – ასე შეაფასა ევროპასთან ინტეგრაციის კომიტეტის თავმჯდომარემ ლევან მახაშვილმა გენერალ-მაიორი ვახტანგ კაპანაძის განცხადება.
მისი თქმით, ასეთ კრიტიკულ მომენტში მსგავსი განცხადებები ომის მხარეს დგომას ნიშნავს.
„ფაქტობრივად საკუთარ ქვეყანას უნიშნავს, როგორც სამხედრო სამიზნეს ბალისტიკური რაკეტებისთვის, სხვა ტიპის სამხედრო კონფრონტაციისთვის. ეს რა არის თუ არა მოღალატეობრივი, ანტისახელმწიფოებრივი ნაბიჯი. ძალიან მძიმეა და მოსახლეობამ უნდა დაინახოს ის სახელ-გვარები, რომლებიც დღეს, ასეთ კრიტიკულ მომენტში დადგნენ ომის მხარეს და განცხადებებს აკეთებენ იმისთვის, რომ საქართველო ამ ომში ჩათრეული აღმოჩნდეს“, – აცხადებს მახაშვილი.
ახლო აღმოსავლეთში განვითარებული მძიმე მოვლენების ფონზე, ანტისახელმწიფოებრივი განცხადებები კეთდება საქართველოშიც. გენერალ-მაიორი ვახტანგ კაპანაძე უშვებს შესაძლებლობას, ირანმა საქართველოს დარტყმა მიაყენოს.