რა სამართლებრივ საფუძველს დაეფუძნა ბრიტანეთის მთავრობის გადაწყვეტილება ტელეკომპანია „იმედის“ წინააღმდეგ. „ქრონიკის“ ამ კითხვას ბრიტანეთის საელჩომ დღეს უპასუხა.
დიდი ბრიტანეთის საელჩოს პასუხს უცვლელად გთავაზობთ:
„მადლობას გიხდით 2026 წლის 2 მარტს თქვენ მიერ გამოგზავნილი ელექტრონული წერილისთვის, რომელიც ეხებოდა გაერთიანებული სამეფოს მიერ 24 თებერვალს, ტელეკომპანია „იმედის“ მიმართ მიღებული გადაწყვეტილების განმარტებას.
თუ თქვენ ხართ სანქცირებული პირი, თქვენ ან თქვენი სახელით მოქმედ პირს, გაქვთ უფლება მოითხოვოთ თქვენი სანქცირების გაუქმება ან მისი ცვლილება. გაერთიანებული სამეფოს საგარეო, თანამეგობრობისა და განვითარების საქმეთა ოფისი დაამუშავებს თქვენს მოთხოვნას, 2018 წლის სანქციების განხილვის პროცედურის რეგულაციებისა და იმ გზამკვლევის შესაბამისად, რომელიც გამოქვეყნებულია მისამართზე.
გთხოვთ, ამ საკითხთან დაკავშირებით ყველა კორესპოდენცია მიმართოთ sanctions.reassessment@fcdo.gov.uk.“, – აღნიშნულია დიდი ბრიტანეთის საელჩოს წერილში.