“საერთაშორისო მედიაში მუსირებს ჭორი, რომ პიტერ მადიარი ებრაელია. უნგრეთის მომავალი პრემიერ-მინისტრი არ არის ებრაელი, არც ეთნიკურად, არც რელიგიურად, – ამის შესახებ ანალიტიკოსი, გია აბაშიძე სოციალურ ქსელში წერს.
“საერთაშორისო მედიაში მუსირებს ჭორი, რომ პიტერ მადიარი ებრაელია. უნგრეთის მომავალი პრემიერ-მინისტრი არ არის ებრაელი, არც ეთნიკურად, არც რელიგიურად.
ის 1981 წელს ბუდაპეშტში, ცნობილ უნგრულ ოჯახში დაიბადა. მამამისი, იშტვან მადიარი, იურისტი იყო. დედამისი, მონიკა ეროში, სასამართლო სისტემაში მაღალ თანამდებობებს იკავებდა. საარჩვენო კამპანიისას ვაჟს აქტიურად ეხმარებოდა.
ჯერ კიდევ სამი წლის წინ, პეტერ მადიარს უნგრეთში ბევრი არ იცნობდა, ის წარსულში ორბანის პარტია „ფიდესის“ ერთ-ერთი რიგითი წევრი იყო. სწორედ მისმა ოპოზიციურმა პარტია „ტისამ“ დაამარცხა „ფიდესი“ – 16 წლის განმავლობაში უნგრეთის სათავეში მყოფი მმართველი პოლიტიკური ძალა.
განათლებით იურისტია. კარიერის დასაწყისში მუშაობდა სახელმწიფო სტრუქტურებში, კერძოდ, სახელმწიფო კომპანიებში მენეჯერულ პოზიციებზე.
პიტერის ყოფილი მეუღლეა იუდით ვარგა, რომელიც ერთ დროს ორბანის კაბინეტში იუსტიციის მინისტრი იყო. პიტერს და იუდით ჰყავთ სამი ვაჟი.
დაშორების შემდეგ, იუდით ვარგამ განაცხადა, რომ პიტერ მადიართან ცხოვრება ფსიქოლოგიური წნეხის ქვეშ მიმდინარეობდა, იყო ტოქსიკური გარემო. სასამართლოს მიერ დადასტურებული ინფორმაცია, რომ მადიარი ფიზიკურად ძალადობდა ვარგაზე, საჯაროდ დამტკიცებული არ არის.
პიტერ მადიარს ჰყავს და, რომელიც მოსამართლეა.
რელიგიურად, მადიარი თავს წარმოადგენს ქრისტიანად. 2025 წელს, როშ ჰაშანას (ებრაული ახალი წელი) მილოცვისას დაწერა: „როგორც ქრისტიანი ადამიანი, პატივს ვცემ ათასწლოვან ებრაულ რელიგიას”.
ის არის კათოლიკური უნივერსიტეტის (Pázmány Péter Catholic University) კურსდამთავრებული და ოჯახურად ქრისტიანულ-კონსერვატიულ გარემოში გაიზარდა.
მადიარი პოზიტიურად საუბრობს უნგრეთის ებრაულ საზოგადოებაზე, ნულოვან იტოლერანტობა აქვს ანტისემიტიზმის მიმართ და ისრაელთან „განსაკუთრებულ ურთიერთობაზე“ ხშირად საუბრობს”, – წერს გია აბაშიძე.