„ასოშიეითიდ პრესი“, ფედერალურ პროკურორებზე დაყრდნობით, იუწყება, რომ შიდასამსახურებრივი ინფორმაცია, რომელიც ვენესუელის პრეზიდენტის, ნიკოლას მადუროს დატყვევებას შეეხებოდა, ამერიკელმა ჯარისკაცმა ონლაინ-ფსონების დასადებად გამოიყენა და ამ გზით 400 000 დოლარზე მეტი მოიგო.
ნიუ-იორკის ფედერალური პროკურორების განცხადებით, განონ კენ ვან დაიკი მადუროს დატყვევების ოპერაციაში იყო ჩართული და საიდუმლო ინფორმაციაზე წვდომა მან იმისთვის გამოიყენა, რომ პროგნოზების პლატფორმა Polymarket-ზე ფული ეშოვა.
ფედერალური პროკურორების თქმით, ვან დაიკი სპეცდანიშნულების რაზმის ჯარისკაცია და ნიკოლას მადუროს დატყვევების ოპერაციის დაგეგმვასა და განხორციელებაში, 2025 წლის 8 დეკემბრიდან მოყოლებული, დაახლოებით ერთი თვის განმავლობაში მონაწილეობდა. მას ხელი ჰქონდა მოწერილი ვალდებულებისთვის, რომ ამ ოპერაციასთან დაკავშირებული „არანაირი საიდუმლო ან სენსიტიური ინფორმაცია“ არ გაემჟღავნებინა.
„ნებისმიერი პირი, ვისაც ხელი მიუწვდება საიდუმლო ინფორმაციაზე და ფიქრობს, რომ ეს წვდომა და ინფორმაციის ცოდნა პირადი სარგებლისთვის გამოიყენოს, პასუხს აგებს“, – განაცხადა გამოძიების ფედერალური ბიუროს (FBI) დირექტორმა, კაშ პატელმა და შეახსენა ყველას, რომ კანონზე მაღლა არავინ დგას.
ნიკოლას მადურო მიმდინარე წლის 3 იანვარს, კარაკასში ჩატარებული აშშ-ის სამხედრო ოპერაციის ფარგლებში დააკავეს და ნიუ-იორკში გადაიყვანეს. მას იქ „ნარკოტერორიზმისთვის“ გაასამართლებენ, მიუხედავად იმისა, რომ ვენესუელის ყოფილი პრეზიდენტი ამ ბრალდებას უარყოფს.
პროკურატურა ამტკიცებს, რომ განონ კენ ვან დაიკმა ჯერ კიდევ 2025 წლის დეკემბერში შექმნა ანგარიში და არასაჯარო ინფორმაციის გამოყენების საფუძველზე, 33 000 დოლარზე მეტი ოდენობის ფსონები დადო. Polymarket-ის განცხადებით, ხელისუფლებას ამის შესახებ მათ თავად აუწყეს და გამოძიებასთან ითანამშრომლეს.
ვან დაიკს ბრალად ედება საიდუმლო სახელმწიფო ინფორმაციის უკანონო გამოყენება, თაღლითობა და უკანონო ფინანსური ტრანზაქციები. პროკურორებმა ხაზგასმით აღნიშნავენ, რომ სამხედრო მოსამსახურეებს ეკრძალებათ საიდუმლო მონაცემების პირადი სარგებლისთვის გამოყენება.
კომისიამაც (CFTC) შეიტანა. პრეზიდენტ დონალდ ტრამპის თქმით, ამ საქმეს დეტალურად არ იცნობს და აუცილებლად შეისწავლის. მან ასევე დასძინა, რომ მსგავს პრაქტიკას მხარს არ უჭერს.
https://bntnews.bg/news/sadyat-amerikanski-voinik-spechelil-nad-400-000-dolara-ot-zalog-za-svalyaneto-na-maduro-1390101news.html