რუსთავში ათასობით ახალგაზრდის შეკრება ქალაქისთვის განსაკუთრებული მოვლენაა და დიდი სიხარულია, რომ მათთან ერთად შესაძლებელია ახალგაზრდული დღის გაზიარება, – განაცხადა რუსთავის მერმა, ნინო ლაცაბიძემ ახალგაზრდული ფესტივალის, „სტუდფესტი 2026“-ის გახსნაზე სიტყვით გამოსვლისას,
„მართლაც საოცარი შეგრძნება ყოფილა, როცა შენს ქალაქში ამდენი ახალგაზრდაა გაერთიანებული. მოგესალმებით ძვირფასო, ჩემი ქალაქის სტუმრებო, ძალიან ბედნიერები ვართ, რომ დღეს გვაქვს შესაძლებლობა თქვენთან ერთად ერთი ძალიან ლამაზი ახალგაზრდული დღე და საღამო გავატაროთ. ბატონო ირაკლი მადლობა იმ შესაძლებლობებისთვის, რომელიც ბოლო პერიოდში ჩვენს ქალაქს აქვს. სწორედ ეს შესაძლებლობაა დღეს, რომელიც გვაძლევს საშუალებას, რომ გავაერთიანოთ ათასობით ახალგაზრდა ჩვენს ქალაქში. ახალგაზრდებო თქვენ ხართ საქართველო, ჩვენი ქვეყნის დღევანდელი დღეც და მომავალიც. ის, რომ დღეს ათასობით ახალგაზრდა ჩვენს ქალაქში გაერთიანდა, დამეგობრდა, ეს ყველაზე მთავარი გამარჯვებაა ჩვენი ქალაქისთვისაც და ჩვენი ქვეყნისთვის”, – აღნიშნა ნინო ლაცაბიძემ.