გიორგი ჯინჭარაძე თინათინ რუხაძესა და გიორგი ძაძამიასთან ერთად ახალ მულტიფუნქციურ ჰაბ „BDC-ში“ ქორეოგრაფიული დადგმის პრემიერას დაესწრო

აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, საქართველოს კულტურის მინისტრ თინათინ რუხაძესთან და აფხაზეთის ავტონომიური რესპუბლიკის განათლებისა და კულტურის მინისტრ გიორგი ძაძამიასთან ერთად, ახალ მულტიფუნქციურ კულტურულ ჰაბ „BDC-ში“ ქორეოგრაფიული დადგმის – „მეხუთე სტიქია: სრულყოფის გზა“ პრემიერას დაესწრო.
სპექტაკლი ტრადიციული ქართული ცეკვის, თანამედროვე ქორეოგრაფიისა და ცოცხალი მუსიკის სინთეზს წარმოადგენს.
„BDC-ის“ დამფუძნებელი და შემოქმედებითი ხელმძღვანელია აფხაზეთის სიმღერისა და ცეკვის სახელმწიფო აკადემიურ ანსამბლ “აფხაზეთის” სამხატვრო ხელმძღვანელი ბაჩანა ჭანტურია.
„BDC“ თანამედროვე სტანდარტების მრავალფუნქციური სივრცეა, რომელშიც გაერთიანებულია პროფესიონალური ხმის ჩამწერი, ვოკალური და საბავშვო შემოქმედებითი სტუდიები. ჰაბის მიზანია კულტურულ-საგანმანათლებლო პლატფორმის შექმნა, სადაც წარმოდგენები, გამოფენები, პრეზენტაციები და სხვადასხვა შემოქმედებითი აქტივობა გაიმართება.