ბატონ ფიშერს, რომელიც ყველა წითელ ხაზს გასცდა, შენიშვნა არაერთხელ მიუღია, მათ შორის, ჩვენგან კი არა, მათი მთავრობის მხრიდანაც იყო მის მიმართ მკაცრი ტონალობა, – განაცხადა პარლამენტის დიასპორის კომიტეტის თავმჯდომარემ, ირაკლი ზარქუამ.
მან გერმანიის ელჩთან ერთად ევროკავშირის ელჩის პოზიციაც შეაფასა.
„ფიშერი ერთი პერიოდი დაჭკვიანებული იყო, მაგრამ ახლა ახალი დაკვეთა მიიღო სწორედ „დიფ სთეითისგან“. მას და მეორე ელჩს, ევროკავშირისას, ჰერჩინსკის რომელსაც საერთო არაფერი აქვს ევროპულ ღირებულებებთან. ამდენი ხანია, ვერ დავაგმობინეთ 4 ოქტომბერს პრეზიდენტის ადმინისტრაციაზე თავდასხმა, ამ ხალხისგან ჩვენ რა უნდა მოვისმინოთ? ეს ხალხი როგორ იქნება გერმანულ-ქართული ურთიერთობებისკენ აქცენტირებული ან ევროკავშირთან საქართველოს ინტეგრაციის გზაზე მხარდამჭერი. მათი ამოცანაა და აქვთ დაკვეთა, რომ აქ საზოგადოების პოლარიზაცია მოახდინონ, ისევ რევოლუციურ ტალღაზე გადაიყვანონ ქვეყანა და შემდეგ მარიონეტი ხელისუფლება მოიყვანონ, რომელსაც ყველაფერს გააკეთებინებენ, რაც იყო სააკაშვილის მმართველობის დროს”, – განაცხადა ზარქუამ.
„ქართული ოცნება“ გერმანიის ელჩს „დიფ სთეითის“ საკითხით მანიპულირებაში ამხელს – მმართველ ძალაში მიიჩნევენ, რომ პეტერ ფიშერი თავისი ცინიზმით შეერთებულ შტატებსა და იმ ქვეყნების ლიდერებს დასცინის, რომლებიც ამ თემაზე დიდი ხანია, ლაპარაკობენ. გერმანელმა დიპლომატმა განაცხადა, რომ თითქოს დიფ სთეითი” საქართველოს ხელისუფლების მიერ გამოგონილი კონსპირაციაა.