“ახალი არ არის რომ ეკლესიის და სახელმწიფოს ერთიანობა აღიზიანებს ადამიანთა ჯგუფს, რომელსაც სლოგანად აქვს დაყოფის სტრატეგია უცხო ძალების დავალებით”

სამწუხაროა, მაგრამ ახალი არ არის, რომ ეკლესიის და სახელმწიფოს ერთიანობა აღიზიანებს ადამიანთა ჯგუფს, რომელსაც შინაგან სლოგანად აქვს გადაქცეული დაყოფის და გაბატონების სტრატეგია უცხო ძალების დავალებით, – ამის შესახებ საქართველოს ვიცე-პრემიერმა, სამართალდამცავი ორგანოების კოორდინაციის საკითხებში სახელმწიფო მინისტრმა, მამუკა მდინარაძემ ჟურნალისტის კითხვის პასუხად განაცხადა.

მისივე თქმით, როდესაც ეკლესია და ხალხი დგას ერთ მხარეს – სამშობლოსა და სარწმუნოების მხარეს, ეს ერის ერთიანობას უზრუნველყოფს.

„ბევრი გვისაუბრია ჩვენ ამაზე, თუ როგორ არის უზრუნველყოფილი ერის ერთიანობა მაშინ, როდესაც ეკლესია და  ხალხი დგას ერთ მხარეს – სამშობლოს და სარწმუნოების მხარეს. ამ შემთხვევაში დაყოფა და ბატონობა გარე ძალების მიერ არის ერთიორად რთული და ეს არის ერთადერთი გასაღები, რის გამოც ასე შეიძლება ვინმე ლაპარაკობდეს“, – აღნიშნა მამუკა მდინარაძემ.