“26 მაისს აქციას რომ აორგანიზებ და შემდეგ ამ აქციაზე საქართველოს დროშაზე მეტად პატიმარი სააკაშვილის სურათები ფრიალებს, ამით ყველაფერი ნათქვამია”

26 მაისს აქციას რომ აორგანიზებ და შემდეგ ამ აქციაზე საქართველოს დროშაზე მეტად პატიმარი სააკაშვილის სურათები ფრიალებს, ამით უკვე ყველაფერი ნათქვამია, – ასე გამოეხმაურა რატი იონათამიშვილი ოპოზიციის გუშინდელ აქციას. პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ მსვლელობას „უშინაარსო“ უწოდა.

„ეს არის „ნაცების“ უშინაარსო, არაფრისმთქმელი აქცია. ვინც იქ იყვნენ, ისინი სინამდვილეში საქართველოს დროშაზე მეტად წინ პატიმარი სააკაშვილის პორტრეტს აყენებენ და თან მორჩილებისა და მონობის ბუნებით გამოირჩევიან. რა თქმა უნდა, ასეთ აქციებს არანაირი გაგრძელება და პერსპექტივა ვერ ექნება. ახდა ვაშაძის წინასწარმეტყველება – შეიკრიბნენ და წავიდნენ სახლში“, – ამბობ იონათამიშვილი.