მიხეილ სააკაშვილის მესიჯები ყოველთვის შეიცავს მოწოდებას, რომ შეეშვან თხოვნის ტონალობას და ძალადობასა და აგრესიაზე გადავიდნენ, – ამის შესახებ საქართველოს პარლამენტის ვიცე-სპიკერმა ნინო წილოსანმა განაცხადა.
წილოსანის თქმით, სააკაშვილი უფრო მეტ რადიკალიზმს ითხოვს და ეს მის თითოეულ გამონათქვამში ჩანს.
„მიხეილ სააკაშვილი მთავარი წყაროა იმ ძალადობისა და რადიკალიზმის, რომელიც „ნაციონალურ მოძრაობას“ აქვს ყველა თავისი დანაყოფით. მისი მესიჯები ყოველთვის შეიცავს მოწოდებას, რომ თხოვნის ტონალობას შეეშვან, ძალადობასა და აგრესიაზე გადავიდნენ. ზოგჯერ, მისი მომხრეები ამ მიმართულებას ასუსტებენ, მაგრამ, საბოლოო ჯამში, იმ მოძალადეებად მაინც რჩებიან, რომელიც სააკაშვილის ხელწერას იმეორებს და აგრძელებს. სააკაშვილი უფრო მეტ რადიკალიზმს ითხოვს და ეს მის თითოეულ გამონათქვამში ჩანს“, – განაცხადა წილოსანმა.