მოლდოვაში რუმინეთთან გაერთიანებას მოლდოველების 40% უჭერს მხარს. ინფორმაციას Euractiv-ი ავრცელებს.
გამოცემის ცნობით, საუბარია მოლდოვის 850 ათას მოქალაქეზე, რომლებსაც რუმინული მოქალაქეობაც აქვთ. მოლდოვაში სულ 2,4 მილიონი ადამიანი ცხოვრობს.
როგორც გამოცემა იუწყება, მოლდოვა, რომელსაც ენობრივი და კულტურული კავშირები აქვს რუმინეთთან და უკანასკნელი ორი ასწლეულის განმავლობაში ჯერ რუსეთის იმპერიის, ხოლო შემდეგ საბჭოთა კავშირის შემადგენლობაში შედიოდა, გაერთიანების საკითხის თვალსაზრისით ჯერ კიდევ გაყოფილია.
რუმინეთის საგარეო საქმეთა მინისტრის ყოფილი მოადგილის იულიან ფოტას განცხადებით, ორი ქვეყნის გაერთიანება შეუძლებელი არ არის, თუმცა არსებობს პოლიტიკური და გეოპოლიტიკური სირთულეები.
„საერთაშორისო სამართალი საზღვრების შეცვლას უშვებს, თუ ორივე ქვეყანა თანახმაა. შესაბამისად, ამაში რთული არაფერია“, – განაცხადა ფოტამ.
ერთ-ერთ სერიოზულ პრობლემად ფოტას მიაჩნია ის გარემოება, შეძლებს, თუ არა რუმინეთი მოლდოვის დაფინანსებას. „მოლდოველები ელიან, რომ გაერთიანების პირველივე დღიდან მათი ხელფასები და პენსიები რუმინულს გაუთანაბრდება“, – დასძინა მან.