ოპოზიციურ ალიანსში დაპირისპირება გრძელდება.
ამჯერად ვითარება „ნაციონალურ მოძრაობასა“ და გვარამია-მელიას პარტიას შორის გამწვავდა.
26 მაისის აქციის შემდეგ გვარამიას პარტიის პოლიტსაბჭოს წევრმა პატიმარ პრეზიდენტს მაოხრებელი გზირი უწოდა.
დიმიტრი ბიძინაშვილის ეს განცხადება სააკაშვილის ბრალდებას მოჰყვა, რომელმაც ნიკა მელია მისი მხარდამჭერი აქციის მიზანმიმართულ დაშლაში დაადანაშაულა.
“ნაციონალურ მოძრაობას” ისევ აკრიტიკებს თამარ ჩერგოლეიშვილი.
“ფედერალისტების” ლიდერი წერს, რომ სააკაშვილი, რომელსაც აქციის წარუმატებლობა სურდა, არა თუ ოპოზიციაში, არამედ მისსავე პარტიაში, არარელევანტური გახდა.
“ახალზე აქვს ახლა ჩაჭერილი. მარა რა ახალი, შუაზე გაიხა ლანძღვით, რომ 26 მაისი არ შემდგარიყო და მერე ლუზერები ეძახებინა.
მის პარტიაშიც შერყეულია მისი შესაძლებლობების რწმენა.
20 კაცი ხო ყავს, თითოს ამისი 7 ხატი რო უჭირავს, ვითომ მიშაზეა აქცია – ილუზიის შესაქმნელად. მარშს გადაასწრეს და “სტრატეგიულად” განლაგდნენ პარლამენტის კიბეებთან რომ სპიკერებისთვის თავზე ჩამოეფხატათ და შეეტენათ კადრში ბელადი”, – წერს “ფედერალისტური პარტიის” თბილისის ორგანიზაციის თავმჯდომარე თამარ ჩერგოლეიშვილი.