უკრაინის პრეზიდენტმა, ვოლოდიმირ ზელენსკიმ თავის საგარეო საქმეთა მინისტრთან სამუშაო შეხვედრა გამართა, რის შემდეგაც განაცხადა, რომ უკრაინულმა დაზვერვამ მოიპოვა მონაცემები, რომელთა მიხედვითაც რუსეთი ახალი, „მასშტაბური თავდასხმისთვის“ ემზადება.
უკრაინის ლიდერმა საერთაშორისო პარტნიორების მხარდაჭერისა და დროული რეაგირების აუცილებლობას გაუსვა ხაზი.
„მნიშვნელოვანია, რომ ჩვენმა ყველა პარტნიორმა იცოდეს, რა ხდება და რომ რუსეთი კვლავ რაკეტებსა და ომის გაგრძელებას ეყრდნობა და არა დიპლომატიურ ნაბიჯებს. ეს ნიშნავს, რომ საჭიროა რუსეთზე დამატებითი სასანქციო ზეწოლა და პარტნიორებთან ჩვენი საჰაერო თავდაცვის შეთანხმებების განხორციელების დაყოვნება დაუშვებელია“, – განაცხადა უკრაინის პრეზიდენტმა.
კომენტარები