2026 წლის 15 ივნისიდან საფრანგეთი ევროკავშირში პირველი ქვეყანა გახდება, რომელიც წონის დასაკლებად განკუთვნილი ინოვაციური მედიკამენტების ხარჯებს სახელმწიფო ჯანდაცვის პროგრამის ფარგლებში აანაზღაურებს.
აღნიშნული გადაწყვეტილების შესახებ საფრანგეთის ჯანდაცვის მინისტრმა, სტეფანი რისტმა ოფიციალურად განაცხადა.
მინისტრის განმარტებით, პრეპარატების ღირებულების კომპენსაცია ოფიციალურად 65%-ით განისაზღვრება. თუმცა, ვინაიდან პაციენტების აბსოლუტურ უმრავლესობას სიმსუქნესთან ერთად მძიმე თანმხლები დაავადებებიც აღენიშნებათ, მათთვის სრული დაფინანსება იმოქმედებს.
2024 წლის ეროვნული კვლევის თანახმად, საფრანგეთის მოსახლეობის 18% (დაახლოებით 10 მილიონი ადამიანი) სიმსუქნე აწუხებს.
კომენტარები