პოლონეთის პრემიერ-მინისტრი რუმინეთში რუსული დრონის შეჭრასა და რუსეთის უშიშროების საბჭოს თავმჯდომარის მოადგილის, დიმიტრი მედვედევის განცხადებას ეხმაურება. დონალდ ტუსკის თქმით, ნატოს წევრებმა რუსეთის მხრიდან პროვოკაციები და მუქარის შემცველი განცხადებები სერიოზულად უნდა მიიღონ.
„პოლონეთი, ბალტიის ქვეყნები, ახლა რუმინეთი. სულ უფრო და უფრო მეტი რუსული პროვოკაცია. გუშინ რუსეთის ყოფილმა პრეზიდენტმა, დიმიტრი მედვედევმა განაცხადა, რომ ევროკავშირის მოქალაქეების მშვიდი ძილი დასრულდა. ნატო-ში ყველამ საბოლოოდ უნდა დაიწყოს ამ ფაქტებისა და სიტყვების სერიოზულად მიღება“, – წერს ტუსკი.
ცნობისთვის, დიმიტრი მედვედევმა განაცხადა, რომ ევროკავშირი რუსეთთან ცალმხრივად შევიდა ომში და ევროპის ქვეყნების მოქალაქეებისთვის მშვიდი ძილი დასრულდა. მანამდე რუმინეთის თავდაცვის სამინისტრომ განაცხადა, რომ რუსული დრონი ქვეყნის საჰაერო სივრცეში შეიჭრა და ქალაქ გალაციში საცხოვრებელ კორპუსს დაეცა.
Poland, Baltic states, now Romania. More and more Russian provocations. Yesterday the former president @MedvedevRussiaE said that the peaceful sleep of the EU citizens is over. Everyone in NATO should finally start taking these facts and words seriously.
— Donald Tusk (@donaldtusk) May 30, 2026