[პრეზიდენტის სასახლეს] ღობე საერთოდ რომ არ ჰქონოდა, არავის აქვს უფლება სტრატეგიული ობიექტის ტერიტორია გადაკვეთოს, – განაცხადა მოსამართლე რომეო ტყეშელაშვილმა სასამართლო პროცესზე, 4 ოქტომბრის საქმის განაჩენის გამოცხადებამდე.
მისივე თქმით, ეს არ იყო მშვიდობიანი აქცია.
„ძალადობა განხორციელდა ცეცხლის გაჩენით თუ ღობის ჩამოგდებით, იქ არაერთი პოლიციელი, სახელმწიფოს წარმომადგენელი დაზიანდა. ღობე საერთოდ რომ არ ჰქონოდა, არავის აქვს უფლება სტრატეგიული ობიექტის ტერიტორია გადაკვეთოს. არამხოლოდ ღობესთან, არამედ ღობის შიგნითაც იყავით გადასულები. არაერთხელ მოხდა ღობეზე გადასვლა-გადმოსვლა, სტრატეგიული ობიექტის ტერიტორიაზე შესვლა“, – აღნიშნა მოსამართლემ.
4 ოქტომბრის საქმეზე დაკავებულ რვა პირს ხუთი წლით თავისუფლების აღკვეთა მიესაჯა.
კომენტარები