საქართველო ყალიბდება შუა დერეფნის სავაჭრო, ეკონომიკურ და ციფრულ ჰაბად. ეს საკითხები ჩემს ყველა შეხვედრაზე აღინიშნა, – განაცხადა საქართველოს პრეზიდენტმა მიხეილ ყაველაშვილმა.
პრეზიდენტის თქმით, სიტყვით გამოვიდა ფორუმზე, რომელიც მსოფლიოში ხელოვნური ინტელექტის როლს ეძღვნებოდა.
„საკმაოდ საინტერესო დისკუსიები წარიმართა და ჩვენ ამ მიმართულებითაც გვაქვს ინიციატივები. საქართველო ამ დროისთვის წამყვანია ხელოვნური ინტელექტის დატვირთვის კუთხით და ჩვენი სურვილია, რომ ეს მიმართულება საქართველოში კიდევ უფრო კარგად განვითარდეს.
მქონდა შესაძლებლობა შევხვედროდი გაეროს გენერალურ მდივანს, ბატონ გუტიერეშს. დღეს შევხვდი ვაჭრობის მსოფლიო ორგანიზაციის გენერალურ დირექტორს, ჯანდაცვის მსოფლიო ორგანიზაციის დირექტორს და ყველა ერთხმად აღნიშნავს საქართველოს განვითარების ტემპს, მის ეკონომიკურ წინსვლას, სამშვიდობო პოლიტიკას, ლოგისტიკურ ჰაბს, სამხრეთ კავკასიის შუა დერეფნის და ბედნიერი ვიყავი, რომ ასეთი კარგი შეფასება დაიმსახურა საქართველომ“, – აღნიშნა მიხეილ ყაველაშვილმა.