ეს რომ იყოს გამოუცდელი პოლიტიკოსის უბრალო წამოძახილი, ვიფიქრებდი, რომ შეცდომა დაუშვა, მაგრამ ეს არის დანაშაულებრივი განცხადება, – განაცხადა თავდაცვისა და უშიშროების საპარლამენტო კომიტეტის თავმჯდომარის პირველმა მოადგილემ თენგიზ შარმანაშვილმა გიორგი ბარამიძის განცხადებაზე, რომელმაც თქვა, რომ 1993 წელს ქართველები ტყვეებს ხვრეტდნენ.
მისივე თქმით, სიცრუეა, რომ 1993 წელს ქართველები ტყვეებს მასობრივად ხვრეტდნენ.
„ჩვენები იმ პერიოდში 1993 წელს მასობრივ დახვრეტებს აწარმოებდნენ და ისინი თავზე ხელს უსვამდნენ ჩვენს ტყვეებს, თუ მშვიდობიან მოსახლეობას, არის აბსოლუტური ტყუილი. ეს არის უზარმაზარი პროვოკაცია და აქ არაფერ შუაშია არც პოლიტიკური ოპონირება და არც არაფერი. მას ძალიან კარგად უნდა ესმოდეს, რომ ეს არის პირდაპირი დარტყმა ქართული, ეროვნული ინტერესების საწინააღმდეგოდ.
მე არასდროს მწამდა შეკვეთით პატრიოტების. 2008 წელს დადიოდა იგივე პიროვნება და ყვიროდა ამას, როდესაც მაშინ სახელმწიფოს მეთაური ღვინოებით ხვდებოდა ქართულ საზღვარზე რუს ტურისტებს და იწვევდა აქ. პატრიოტიზმმა მაშინ გაიღვიძა, როდესაც სხვა ქვეყნის მიწების ოკუპაცია მოხდა?. შეკვეთით პატრიოტები არ არსებობენ, პატრიოტი ან ხარ, ან არ ხარ. ეს ხალხი არის უცხო ქვეყნის აგენტურა“, – თენგიზ შარმანაშვილმა.